ШұғылCOVID-19: Қазақстанда өткен тәулікте 7800-ге жуық адамнан вирус анықталды

Ертең күн райы қатты ысып, жаңбыр жауады – синоптиктер болжамы

Кей облыстарда ауа райының қолайсыздығынан өрт шығу қаупі бар 

Фото: vladtime

23 шілдеге арналған ауа райы болжамын қазақстандық синоптиктер ұсынды, деп хабарлайды Azattyq Rýhy тілшісі.

«Республиканың басым бөлігінде атмосфералық фронтальды бөліктердің әсерінен ауа райының тұрақсыз сипаты сақталады: жаңбыр жауады. Әсіресе, Қазақстанның батысында қатты нөсер күтіледі. Тек еліміздің солтүстігі мен оңтүстігінде жауын-шашынсыз ауа райы сақталады. Батыста және оңтүстікте шаңды дауыл аралас жаңбыр, республиканың батысы мен шығысында бұршақ жаууы ықтимал», - делінген «Казгидромет РМК» хабарламасында. 

Батыс Қазақстан облысының кей жерлерінде бұршақ жаууы ықтимал, жел 15-20 м/с күшейеді.

Шығыс Қазақстан, Қарағанды, Алматы, Солтүстік Қазақстан, Қостанай облыстарының кей жерлерінде жел 15-20 м/с күшейеді. Сондай-ақ Шығыс Қазақстан облысының кей жерлерінде күндіз бұршақ жаууы ықтимал.

Маңғыстау облысының кей жерлерінде тұман түсіп, күндіз жел 15-20 м/с күшейеді.

Болжам бойынша, қатты жылу:
- күндіз Алматы, Жамбыл, Ақтөбе, Атырау, Қостанай, Маңғыстау облыстарының басым бөлігінде, Қарағанды облысының оңтүстігінде сақталады.
- Ақмола, Солтүстік Қазақстан, Қызылорда облыстарының басым бөлігінде, Түркістан облысының кей жерлерінде күтіледі
- Қызылорда, Түркістан, Маңғыстау, Жамбыл облыстарының басым бөлігінде, Алматы, Атырау, Батыс Қазақстан, Ақтөбе, Қостанай, Қарағанды, Ақмола облыстарының кей жерлерінде, Шығыс Қазақстан облысының оңтүстігінде төтенше өрт қаупі сақталады.