Сайлау:Ақмола облысында сайлаушылардың 59% дауыс берді

Шығыс Қазақстанда карантин талаптары қатаңдатылады

Облыс аумағында вирус таралуы төмендесе, қаулы қайта қаралады

фото ашық дереккөзден

Шығыс Қазақстанда карантин шаралары күшейтіледі. Облыстың Бас мемлекеттік санитариялық дәрігерінің «Шығыс Қазақстан облысының халқы арасында COVID-19 коронавирустық инфекциясымен сырқаттанушылықтың алдын алу жөніндегі шараларды күшейту туралы» қаулысы шықты.

Қаулығы сәйкес, Шығыс Қазақстан облысының аумағында 2021 жылғы 21 шілдеден бастап
3 тамызға дейін шаруашылық және (немесе) өзге де қызметпен және халықтың тыныс-тіршілігінің ерекше жағдайларымен шектеу шаралары ұзартылатын болды.

Сондай-ақ шектеу іс-шараларының режимі мен мерзімдері облыс аумағында COVID-19
коронавирустық инфекциясының таралуының төмендеуіне сәйкес қайта қаралуы мүмкін.

«Қалалар мен аудандардың әкімдері: облыс аумағының периметрі бойынша, сондай-ақ Өскемен, Семей, Риддер, Курчатов қалаларының және аудандардың периметрі бойынша шектеу шараларының қолданылу шекараларын сақтасын. Өскемен, Семей қалаларында қоғамдық тәртіпті қорғау мен бақылауды 402 шаршыда (Өскемен қаласы – 200, Семей қаласы – 202) 40 учаскелік полиция пунктіне (Өскемен қаласы – 23, Семей қаласы – 17) байланыстыра отырып, жүзеге асырсын» делінген жаңа қаулыда.

Сондай-ақ, 65 жастан асқан адамдарға және халықтың әлеуметтік қорғалатын топтарына қажет тауарларды, азық-түлік пен дәрілік заттарды жеткізумен айналысатын еріктілер жұмысы жалғасады.