Қазақстанда бір тәулікте коронавирус пен пневмониядан 54 адам қайтыс болды

14 шілдеде Қазақстанда коронавирус пен КВИ белгілері бар пневмониядан 54 адам қайтыс болды деп хабарлайды Денсаулық сақтау министрлігі.

Коронавирустан 48 адам көз жұмса, тағы алты адамның пневмониясы асқынып бақилық болған.

Айта кетейік, 2020 жылдың 13 наурызынан бері елімізде коронавирустық инфекциядан 4 864 адам, КВИ белгілері бар пневмониядан 3 520 адам қайтыс болды.

Бүгінге дейін елімізде 477 754 адамнан коронавирус инфекциясы ПЦР-тест арқылы анықталды. Оның 423 996-ы емделіп шыққан.

16 шілдедегі жағдай бойынша Қазақстанда 50 457 адам коронавирустан емделіп жатыр. Ауруханада 16 186 науқас жатса, 34 271 адам үй жағдайында ем қабылдауда.

КВИ+ және КВИ- жұқтырғандардың ішінде:

• 934 науқас – ауыр жағдайда;
• 225 науқас – аса ауыр халде;
• 117 науқас – ИВЛ аппаратына қосылған.