Үкімет мемлекеттік қызметкерлердің жалақысын 2024 жылға дейін өсіреді

Биыл бюджет саласы қызметкерлерінің жалақысын арттыру жалғасатын болады. Бұл туралы Үкімет басшысы Асқар Мамин Президенттің қатысуымен өткен Үкіметтің кеңейтілген отырысында мәлімдеді.

«600 мың педагог үшін еңбекақы төлеуді 25%-ға, 247 мың медицина қызметкері үшін біліктілік деңгейіне байланысты 20%-дан 30%-ға дейін арттыру қамтамасыз етіледі. Әлеуметтік қызметкерлердің лауазымдық жалақысы 21 мың штат бірлігін қамтумен 50%-ға ұлғаяды. 82 мың мемлекеттік қызметкердің жалақысы өседі. 2022 жылғы 1 қаңтарынан бастап 2024 жылға дейін Орталық мемлекеттік органдардың қызметкерлерінің жалақысы жыл сайын 30%-ға өседі», - деді Асқар Мамин.

Жалпы, педагогтердің орташа айлық жалақысы 253 мың теңгеге, дәрігерлердің – 320 мың теңгеге, әлеуметтік қызметкерлердің – 180 мың теңгеге, мемлекеттік қызметкерлердің 267 мың теңгеге дейін өскені мәлім болды.