Сайлау:Ақмола облысында сайлаушылардың 59% дауыс берді

Нұр-Сұлтанда бизнес-идеяларды жүзеге асыру үшін ашық конкурс жарияланды

Конкурсқа қатысуға өтінім беру үшін «Qoldau» бизнеске арналған цифрлық платформаға тіркелу қажет

Фото: ашық дереккөзден

«Нұр-Сұлтан қаласының Инвестициялар және кәсіпкерлікті дамыту басқармасы» ММ жаңа бизнес-идеяларды іске асыру үшін мемлекеттік гранттарға ашық конкурс жариялады, деп хабарлайды елорда әкімдігінің ресми сайты.

«Бизнестің жол картасы-2025» бизнесті қолдау мен дамытудың мемлекеттік бағдарламасы аясындағы гранттар шағын кәсіпкерлік субъектілеріне, оның ішінде ісін жаңа бастаған жас кәсіпкерлерге экономиканың басым секторларында жүзеге асыратын өтеусіз негізде беріледі.

Конкурсқа қатысуға өтінім беру үшін "Qoldau" бизнеске арналған цифрлық платформаға тіркелу қажет.
Конкурсқа қатысу үшін үміткерлер бекітілген нысан бойынша өтінімді электрондық күйде ұсынады.

Конкурстық құжаттаманы ұсыну мерзімі: 2021 жылғы 28 маусымнан 2021 жылғы 12 шілдеге дейін.