Қазақстан құрамасы әлем чемпионын ұтты

Хоккейден Қазақстан құрамасы Ригада өтіп жатқан әлем чемпионатының екінші мачтінде Финляндияны ұтты. Финляндия ұлттық құрамасы - 2019 жылғы Әлем чемпионы.

Ойынның негізгі уақыты 1:1 есебімен аяқталды. Финляндия командасынан 34-ші минутта бірінші голды Антон Лунделл салды. Екі жарым минуттан кейін қазақстандық командадан Кирилл Панюков есепті теңестірді.

Овертаймда жеңімпаз анықталмады. Ал булиттер сериясында Қазақстан 3:1 есебімен алға шықты. Қазақстан командасынан гол салғандар: Роман Старченко, Кертис Волк және Никита Михайлис.

2021 жылғы Әлем чемпионатындағы Қазақстан құрамасының ойын кестесі:

• 22 мамыр сағат 23:15-те: Латвия – Қазақстан
• 23 мамыр сағат 19:15-те: Қазақстан – Финляндия
• 25 мамыр сағат 19:15-те: АҚШ – Қазақстан
• 26 мамыр сағат 19:15-те: Қазақстан – Германия
• 28 мамыр сағат 19:15-те: Қазақстан – Канада
• 29 мамыр сағат 15:15-те: Италия – Қазақстан
• 31 мамыр сағат 23:15-те: Норвегия – Қазақстан