Елбасы протоколын басқарған Арслан Дәндібаев жаңа қызметке тағайындалды

Бүгін ҚР Тұңғыш Президенті – Елбасы протоколының бастығы қызметінен босатылған Арслан Дәндібаев Алматы облысы әкімінің орынбасары лауазымына тағайындалды.

Бұған дейін аймақ басшысының орынбасары болған Әли Рустам басқа жұмысқа ауысуына байланысты қызметінен босатылып, орнына Арслан Дәндібаев тағайындалды.

Арслан Дәндібаев 1975 жылы дүниеге келген. Алматыдағы Абай атындағы мемлекеттік университетті тәмамдаған.

1997 жылдан бері түрлі дипломатиялық қызмет атқарған. 2018-2019 жылдары - ҚР Президенті протоколы басшысының орынбасары болды. 2019 жылдан бері ҚР Тұңғыш Президенті - Елбасы протоколының басшысы қызметін атқарды.