Шұғыл«Тауық пен сиырдың айырмашылығын білмейді» – Нұрлан Нығматулин Экология министріне ауылға баруға кеңес берді

Павлодарда пара алған шенеуніктің денсаулығы мен марапаты ескеріліп, түрмеге қамалмады

Ол енді 15 миллион теңге айыппұл төлеуі тиіс

Фото: ашық дереккөзден

Павлодарда пара алған шенеунік айыппұлмен құтылды. «Павлодар әлеуметтік кәсіпкерлік корпорациясы» әлеуметтік даму корпоративтік қорының бас директоры Бақытриза Дүйсембаев енді 15 миллион теңге төлеуі тиіс, деп хабарлайды Azattyq Rýhy тілшісі ktk.kz-ке сілтеме жасап.

61 жастағы азамат қараша айында парамен ұсталған болатын. Оның үйін тінту кезінде 500 мың теңге табылған. Бұл қаражатты ол Түркістандағы құрылысы бітпеген халыққа қызмет көрсету орталығының сапасын бағалаушы фирмадан алыпты. Ал әлеуметтік нысан жаңа өңірге Павлодар атынан тарту ретінде берілуі тиіс еді. Дүйсембаев бағалаушы компаниядан келісілген 2 жарым млн теңгенің бір милионын беруді талап еткен. Алайда оның жартысын ғана алып үлгерген. Бақытриза Дүйсембаев түрмеге жабылмады. Сот оның жүрек ауруы мен марапаттарын ескеріпті.   

«Бақытриза Дүйсембаев кінәлі деп танылсын. Сондайақ оған қомақты айыппұл салынуымен қатар, өмір бойына мемлекеттік қызметте, сот органдарында, Ұлттық банк пен оның ведомствасында жұмыс атқаруға шектеу қойылсын», деді судья Қуаныш Төлебаев.