ШұғылЕлімізде тағы 7778 адамнан коронавирус анықталды

Аса ауыр салмақтағы қазақстандық балуан Азия чемпионы атанды

Жарыс Алматы қаласында өтті

Олег Болтин, фото: olympic.kz

Күрес түрлерінен Алматыда өтіп жатқан Азия чемпионатында Қазақстан командасының мүшесі (еркін күрес) Олег Болтин 125 келі салмақ дәрежесінде Азия чемпионы атанды.

Олег Болтин ақтық сында қырғызстандық Айаал Лазаревпен кездесті. Кездесудің аяқталғанға дейін қарсыласынан ұтылып жатқан қазақстандық балуан соңғы минуттарда жеңісті жұлып алды. Осылайша, еркін күрестен Қазақстан командасы Азия чемпионатында үш алтын жеңіп алды.

Еркін күрестен Қазақстан командасы үздіктерінің бірі Нұрқожа Қайпанов екі дүркін Азия чемпионы атанды.  74 келіге дейінгі салмақта белдескен ол финалда ирандық Мұстафа Хосейнханимен кездесіп, 6:2 есебімен жеңіске жетті.

Еске сала кетейік, Нұрқожа Қайпанов 2019 жылы Қытайда өткен Азия чемпионатында да топ жарған болатын. Былтырғы маусымнан бастап Нұрқожа олимпиадалық салмаққа ауысты.

Еркін күрестен 61 келіге дейінгі салмақта сынға түскен Адлан Асқаров финалда жеңіліп, күміс жүлде алды. Асқаров ақтық сында өзбекстандық Жахонгирмырза Туробоевпен белдескен болатын.

Тегтер: