ШұғылҚазақстанда өткен тәулікте 2443 адамнан коронавирус инфекциясы анықталды

Алматыда кинотеатрлар бүгіннен бастап қайта ашылады

«Ashyg» жобасына сәйкес, келушілердің QR-коды билет кассалары аймағына кіреберісте сканерленеді

Фото: Tengrinews.kz

Алматы қалалық Санитарлық-эпидемиологиялық бақылау департаменті басшысының орынбасары Сәдуақас Байғабылов шаһарда кинотеатрлар бүгіннен, яғни 17 сәуірден бастап қайта ашылатынын мәлімдеді, деп хабарлайды Azattyq Rýhy.

Департамент басшысының айтуынша, «қызыл» аймақ жағдайында кинотеатрларға келушілердің QR-коды билет кассасы аймағына кіреберісте сканерленеді.

«Қызыл» немесе «сары» статус анықталған жағдайда алдын ала сатып алынған билет қайтарылады. «Кинотеатрларда бес жасқа дейінгі балалар QR-кодты сканерлеуден босатылады, яғни олардың белгісі «жасыл» болады. Кейінірек балалар арасында коронавирус деректерін ескере отырып жас ерекшелігін қайта қарастырамыз», – деді Сәдуақас Байғабылов.

Айта кетерлігі, «Ashyg» жобасы бойынша 15 сәуір күні коронавирус жұқтырған 24 алматылық фитнес, бассейн, боулинг және компьютерлік клубтарға кіргізілмеген.