Қарағанды тергеу изоляторында ер адам өлі табылды

Жедел-тергеу іс-шаралары барысында камерадағы адамдардың арасында жанжал болғаны анықталды

Фото: azh.kz

Қарағанды тергеу изоляторындағы камерада ер адам өлі табылды, - деп хабарлайды Azattyq Rýhy тілшісі ІІМ ҚАЖК баспасөз қызметіне сілтеме жасап.

Комитеттің хабарлауынша, 2 желтоқсанда Қарағанды облысы бойынша ҚАЖ департаментінің тергеу изоляторының қызметкерлері мекеме камерасынан қамауға алынғандардың бірінің мәйітін тапты.

«Жедел-тергеу іс-шаралары барысында камерадағы адамдардың арасында жанжал туып, ол төбелеске ұласқаны мәлім болды. Олардың бірі екіншісін жаралап, салдарынан ер адам қайтыс болды», - деп хабарлады ҚАЖК баспасөз қызметіндегілер.

Күдікті кінәсін мойындады, қазіргі таңда соталды тергеу жүріп жатыр.

Мақалада

#Қарағанды #адам өлімі #тергеу ісі

Алдыңғы жаңалық

Украинада 8 желтоқсан қаралы күн деп жарияланды