ШұғылҚазақстанда коронавируспен ауырғандар саны 595 мыңнан асты

Қазақстанда дербес деректерді қорғау әдістері күшейтіледі

Енді клиенттің өзі СМС-кодты айтпайынша, ХҚКО қызметкері оның жеке деректер базасына кіре алмайды

Мемлекет басшысы дербес деректерді қорғауды күшейтуді тапсырды. Бұл ретте бірнеше жаңашылдық енгізілуде: біріншісі - цифрлық келісім. Принципті цифрлық технологиялардың бас әзірлеушісі Бағдат Мусин түсіндірді. 

«Егер бұрын ХҚКО операторы клиенттің деректерін оның ЖСН-і бойынша ала алатын болса, енді оған клиенттің өзі СМС-тегі кодты айтпайынша, кіруге рұқсат бермейтін қағиданы қолданатын боламыз. Кодты енгізгеннен кейін оператор оның жеке деректерін көре алады. Мұндай қағидат барлық жерде қолданылатын болады, қазір ол үш ХҚКО-да тестіленуде. Жыл соңына дейін жүйе ретке келтіріліп, барлық жерде енгізіледі. Бұл дербес деректерді қорғаудың және мемлекеттік қызметшілерді шектеудің ең пәрменді қағидаты», - деді министр.

Сондай-ақ, WebTotem-мен ынтымақтастық жалғасуда. 158 мың сайт қорғалған. Bug-bounty 275 бастамасы шеңберінде «ақ хакерлер» деп аталатындар осы бастамаға қосылды және барлық мемлекеттік ресурстарда ақпараттық қауіпсіздіктің осалдығын анықтады. Бүгінгі таңда олар ақпараттың тарап кетуі ықтималдылығының 172 параметрін белгіледі. 

«Біз қазір дербес деректерді таратуға бағытталған осалдықтарға тыйым саламыз және оларды толығымен жоямыз. Мысалы, Мемлекеттік кірістер комитетінде Salyk.gov сайты болды, онда азаматтың аты-жөнін теріп, ЖСН-ын, сол арқылы тұрғылықты жерін білуге болатын. Біз осы сервистердің барлығын жойдық және тек дербес деректерді қорғау шеңберінде ғана ұсынамыз», - деп қорытындылады спикер.

Айта кетейік, Бағдат Мусин мамыр айында 1414 операторларынан жауап күтудің орташа уақыты 30 секундқа дейін қысқаратынына уәде берді. Қазіргі кезде бұл көрсеткіш орта есеппен 5 минутты құрайды, бірақ желіде жарты сағат бойы күтетін де жағдайлар болады.