Бұл формат оқу жылы аяқталғанша созылады
Алматыда 1-11 сынып оқушылары қашықтан оқиды. Бұл туралы Алматы қалалық білім басқармасы басшысының орынбасары Қайрат Жұманов айтты, деп хабарлайды Azattyq Rýhy тілшісі.
«Алматы қаласы қазіргі уақытта «қызыл» аймақта және эпидемиологиялық жағдай нашарлап барады. Осыған байланысты, Алматы қаласы бас мемлекеттік санитар дәрігерінің қаулысымен 2020-2021 оқу жылының соңына дейін жалпы білім беретін мектептердің 1-сыныптан 11-сыныпқа дейінгі оқушыларын қашықтан оқыту форматына көшіру шешімін қабылдады», - деді спикер.
Оның айтуынша, ата-анасының өтініші бойынша балалар саны 15 адамға дейін 1-ден 5-сыныпқа дейінгі, 9 және 11 (12) сынып оқушыларына кезекші сыныпта оқуға рұқсат беру туралы шешім шығарылды.