ШұғылҚазақстанда COVID-19 вирусын жұқтырғандар саны азайып келеді

6 наурыз күнгі ауа райы болжамы

Сенбі күні Қазақстанның басым бөлігінде құбылмалы ауа райы сақталады

Фото: ашық дереккөзден

6 наурыз күні Қазақстанның басым бөлігінде атмосфералық фронталды бөліктердің өтуіне байланысты құбылмалы күн райы сақталады – жаңбыр мен қар түрінде жауын-шашын күтіледі. Тек оңтүстік-шығыс аймақтарда ауа райы жауын-шашынсыз болады. Кей жерлерде тұман, көктайғақ, бұрқасын болжанады. 15-20 м/с екпінде жел тұрады, солтүстік аймақтарда күші 23-28 м/с күшеюі ықтимал. Күндіз республиканың оңтүстік аймақтарында найзағай күтіледі, деп хабарлайды Azattyq Rýhy тілшісі «Қазгидромет» РМК-ға сілтеме жасап.

Ақмола, Қостанай облыстарының кей жерлерінде бұрқасын, тұман, көктайғақ болады. Түнде басым аумақта, күндіз кей жерлерде 15-20 м/с жел тұрады, екпіні 23-28 м/с артады.

Солтүстік Қазақстан облысында бұрқасын, тұман, көктайғақ болжанады. Желдің күші 15-20 м/с болады, түнде кей жерлерде екпіні 23-28 м/с күшейеді.

Павлодар облысында кей жерлерде жаяу бұрқасын, күндіз көктайғақ болады. Желдің жылдамдығы 23-28 м/с жетуі ықтимал.

Батыс Қазақстан облысында кей жерлерде тұман, бұрқасын, көктайғақ күтіледі. Желдің күші 15-20 м/с артады.

Ақтөбе облысында кей жерлерде көктайғақ, жаяу бұрқасын болжанады. Тнде кей жерлерде желдің күші 15-20 м/с жетеді.

Шығыс Қазақстан облысында тұман, түнде кей жерлерде жаяу бұрқасын, 15-20 м/с екпінде жел күтіледі. Қызылорда, Маңғыстау, Жамбыл, Қарағанды облыстарының кей жерлерінде тұман, Қарағанды, күндіз Жамбыл облыстарында 15-20 м/с екпінде жел болады.

Түркістан облысында түнде кей жерлерде тұман, күндіз кей жерлерде найзағай болжанады. Желдің күші – 15-20 м/с. Алматы облысында түнде және таңертең кей жерлерде тұман болады.

Атырау облысында кей жерлерде желдің күші 15-20 м/с жетеді.