ШұғылЕлордада Парламент палаталарының бірлескен отырысы басталды

Головкин келесі жекпе-жегін бұрын-соңды жеңілмеген мексикалық боксшымен өткізеді

Бокс кеші мамыр айына жоспарланған

Қазақстандық кәсіпқой боксшы Геннадий Головкиннің келесі қарсыласы анықталды деп жазады Vesti.kz. Жерлесіміз өзіне тиесілі IBF чемпиондық титулын екінші рет қорғайды. Оның қарсыласы – бұрын жеңіліп көрмеген мексикалық боксшы Хайме Мунгия.

Жекпе-жек 7 мамырда Техас штатында өтеді. Тараптар бірнеше аптаға жалғасқан келіссөздерден кейін осындай шешімге келген.

Мунгия – алғашқы орта салмақта әлемнің экс-чемпионы. Головкиннің салмағына өткелі бері екі кездесу өткізіп, екеуінде де жеңіске жетті. Алғашқы жекпе-жегінде ирландиялық Гэри О’Саливанды тізе бүктірсе, екіншісінде Багам аралдарының боксшысы Туреано Джонсоннан басым түскен.

Еске салайық, Геннадий Головкин соңғы жекпе-жегін 2020 жылдың желтоқсанында АҚШ-та өткізген болатын. Ол кезде қазақстандық боксшы поляк Камил Шереметаны нокаутпен жеңіп, өзінің әлем чемпионы атағын 21-рет қорғап қалды.