Ақмола облысында мектеп асханаларының жұмысына рұқсат берілді

«Ақмола облысының аумағында карантиндік шектеу шараларын жеңілдету туралы» 2021 жылғы 24 ақпандағы өңірдің Бас мемлекеттік санитарлық дәрігерінің қаулысына өзгерістер мен толықтырулар енгізілді, деп хабарлайды coronavirus2020.kz.

Оған сәйкес, білім беру объектілеріндегі тамақтандыру нысандарының жұмысына рұқсат берілді. Бұл ретте ас залында бір мезгілдегі балалардың саны 60-тан аспауы, отыратын орындардың 50 пайызынан артық қолданылмауы қажет. Сонымен бірге мектеп асханаларының қызметшілері жұмысқа шығар кезде бір рет COVID-19-ға ПТР әдісімен тексерілуі тиіс. Жаңа қаулы 2021 жылғы 1 наурыз күні сағат 00:00-ден бастап күшіне енеді.

Айта кету керек, Ақмола облысында 27 ақпаннан бастап бірқатар өзге де шектеулер алынатынын хабарлаған болатынбыз.