Елімізде коронавирус пен пневмониядан 6 адам көз жұмды

Денсаулық сақтау министрлігі 21 ақпандағы коронавирус инфекциясымен ауырғандарға қатысты ақпаратты жариялады, деп хабарлайды Azattyq Rýhy.

Министрлік мәліметі бойынша, 21 417 адам короновирус инфекциясынан (13 627 КВИ+ және 7 790 КВИ-) емделуде, олардың ішінде 4 776 пациент стационарда, 16 641 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 237 адамның жағдайы ауыр;
• 54 пациенттің жағдайы өте ауыр;
• 45 науқас ӨЖЖ аппаратында жатыр.

Сондай-ақ, COVID-19 белгілері бар пневмониямен сырқаттанушылар жөніндегі дерекке сүйенсек, 2021 жылғы 19 ақпандағы мәлімет бойынша 38 жағдай тіркеліп, 2 жағдай өліммен аяқталған. 234 адам жазылып шыққан.

Жалпы, 2020 жылдың 1 тамызынан бастап:

науқастар саны – 48 970;

өлім жағдайлары – 610;

барлығы 40 570 адам емделіп шықты.