Маңғыстауда притон ұйымдастыруға септескен полицей сотталды

Маңғыстау облыстық сотының қылмыстық істер жөніндегі мамандандырылған ауданаралық сотының үкімімен Ақтау қалалық полиция басқармасының жедел-криминалдық бөлімшесінің жедел уәкілі Д.Айбеков 12 жылға бас бостандығынан айырылды. Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

Ол қызметтік жағдайын пайдалана отырып, қылмыстық топ басшысынан жезөкшелікпен айналысу және жеңгетайлық үшін притондарды ұйымдастыру мен қызметін қамтамасыз етуде жалпы қамқорлығы 3 млн теңге мөлшерінде ақша қаражатын алды деген күдікке ілінген.