ШұғылҚазақстанда өткен тәулікте 2656 адамнан коронавирус инфекциясы анықталды

Шымкентте 1 қаңтардан бері карантин талаптарын бұзғандарға 3 млн теңге айыппұл салынды

Мониторингтік топ  1 179 объектіні тексерген

Фото: ашық дереккөзден

2021 жылдың 1 қаңтарынан бастап бүгінгі күнге дейін Шымкент қаласында 58 рейдтік тексерулер жүргізіліп, 1 179 объект мониторингпен қамтылды, деп хабарлайды Azattyq Rýhy тілшісі ВАК жұмысы туралы телеграм каналға сілтеме жасап.

Қоғамдық тамақтану орындарында жұмыс істеу режимінің сақталмауы, топтық іс-шаралардың өткізілуі, бетперде кию режимінің сақталмауы, рұқсат етілген келушілер санының сақталмауы жиі кездесуде. Мониторинг топпен анықталған кемшіліктер үшін 58 жауапты тұлғаға хаттама толтырылып, жалпы сомасы 3 019 720 теңгеге айыппұл салынды.

Кемшіліктер анықталған объектілер ішінде: 18 қоғамдық тамақтану орындары, 1 түнгі, 1 лотереялық, 3 компьютерлік және 4 бильярд клубтары, 1 кинотеатр, 8 мейрамхана, 1 бургер орталығы, 9 азық-түлік дүкендері, 3 лоундж-барлар, 2 қораз төбелестіретін орын, 2 жанармай құю бекеті, 2 сауда нүктелері, 1 қонақ үй кешені, 1 монша, 1 балабақша бар.