Мұндай шешім ауа райының қолайсыздығына байланысты қабылданды
Елордада қала маңына қатынайтын 8 автобус маршруты уақытша тоқтатылады, деп хабарлайды Azattyq Rýhy тілшісі City Transportation Systems компаниясының Фейсбуктегі парақшасына сілтеме жасап.
«Ауа райының қолайсыздығына (қатты аяз -30 - 38) байланысты қала маңына қатынайтын №№ 305, 308, 309, 310, 312, 315, 316, 317 бағдарларының қозғалысы уақытша тоқтатылды. Басқа қала маңына қатынайтын бағдарлар линияда», - делінген хабарламада.
Сондай-ақ, компания 3-4 қаңтарда барлық автоусбтар түнгі 23:00-ге дейін ғана қатынайтынын хабарлайды.
