Қазір олар арнайы стационарға жатқызылды
Өткен тәулікте республика аумағына Корея, Мальдив, Египет, Түркия, Біріккен Араб Әмірліктері, Ресей, Украина, Беларусь, Қырғызстан және Өзбекстаннан 14 халықаралық әуе рейсі келді, деп хабарлайды Azattyq Rýhy.
Елге 1 мың 960 қазақстандық оралды. Оның ішінде 1748 адамда ПТР-тестілеудің теріс нәтижесі бар. Ал 212 жолаушыда тиісті анықтама болмаған. Атап айтсақ, Алматы қаласының әуежайына 168, Нұр-Сұлтанға 6, Қостанайға 38 авиажолаушы анықтамасыз келді. Қазір олар арнайы стационарға жатқызылды.
Айта кетейік, 28 желтоқсанда елге оралған 83 азаматтың ПТР-талдауы теріс нәтиже көрсетті.