22 желтоқсан күнгі ауа райы болжамы
Сейсенбі күні еліміздің басым бөлігінде қар жауады
22 желтоқсан күні республиканың солтүстік, солтүстік-батыс және шығыс аймақтарында қар жауады. Боран соғып, жел күшейеді. Қазақстан территориясының қалған бөлігінде жауын-шашын болмайды, деп хабарлайды Azattyq Rýhy тілшісі.
Солтүстік Қазақстан облысында желдің күші - 15-20 м/с, түнде- 23-28 м/с. Кей жерлерде бұрқасын көтеріліп, тұман сақталады.
Павлодар облысында кей жерлерде жел екпіні 15-20 м/с дейін күшейеді. Боран соғады.
Ақмола, Шығыс Қазақстан облыстарының кей жерлерінде тұман түседі, бұрқасын соғады. Жел жылдамдығы 15-20 м/с жетеді.
Түркістан, Қарағанды, Жамбыл, Батыс Қазақстан облыстарының кей жерлерінде тұман түседі.
Маңғыстау, Алматы облыстарының кей жерлерінде тұман түседі, көктайғақ күтіледі.
Қостанай облысының кей жерлерінде боран соғады. Күндіз жел қарқыны -15-20 м/с.
