Нұр-Сұлтанда құрылысы 9 жылға созылған тұрғын үй пайдалануға берілді

Бұл үй 2011 жылы салына бастаған

Нұр-Сұлтанда құрылысы 9 жылға созылған тұрғын үй пайдалануға берілді
Фото: ашық дереккөзден

Елордада құрылысы ұзаққа созылған тағы бір нысан пайдалануға берілді, деп хабарлайды Azattyq Rýhyтілшісі қала әкімдігінің ресми сайтына сілтеме жасап.

ҚР Тұңғыш Президенті күні қарсаңында «Грант» тұрғын үй кешені пайдалануға берілді. Бұл үй 2011 жылы салына бастаған. Бүгінде мұнда барлық инженерлік желі үйге тартылды, енді оларды қосу үшін тұрғындар келісімшартқа отыруы қажет. 

«Құрылысы ұзаққа созылған тұрғын үй кешендеріне барған кезде үлескерлердің құрылыс бітетініне сейбейтінін байқадық. Алайда құрылыс жұмысы қайта жанданған кезде тұрғындардың үміті ояна бастады. Үлескерлер құрылыс жұмысын талқылауға етене араласты. Сондай құрылыстың біріне айналған «Грант» (Сарыарқа ауданы) тұрғын үй кешені былтыр жазда мен барған алғашқы үйдің бірі. Мәселе көп болды. Үйдің іргетасын қалап, қасбетімен айналысу қажет еді. Сонымен бірге терезе мен есік орнату, ішкі әрлеу жұмысына көшу керек болды. Үйдің құжатын дайындау, инженерлік желіге қосу мәселесі де тұрды. Бұл қолға алған көп шаруаның бір бөлігі ғана» - деп жазды қала әкімі Алтай Көлгінов. 

Бұл үй 2011 жылы салына бастады, ал 2015 жылы үй проблемалық деп танылған. Мұнда енді 170 отбасы тұрады.

×
Бұл желілік ресурстың ақпараттық өнімдері 18 жастан асқан адамдарға арналған.