ШұғылҚазақстанда өткен тәулікте 769 адамнан коронавирус анықталды

Дариға Назарбаева Еревандағы балалар онкологиясы орталығында болды

Еревандағы орталыққа қазақтың ұлы ақыны Абай Құнанбаевтың есімі беріледі

Фотолар: Сенат баспасөз қызметі

Сенат төрағасы Дариға Назарбаева Арменияға ресми сапары аясында Армения премьер-министрінің жұбайы Анна Акопянмен бірге Еревандағы балалар онкологиясы және гематология орталығына барды. Бұл туралы Сенат баспасөз қызметі хабарлайды.

Орталық 2018 жылдың шілде айында «Шаттық қаласы» қорының қолдауымен құрылған болатын. Онкологиялық және гематологиялық аурулармен сырқаттанған балалар мен жастарға көмек көрсететін қордың қамқорлық кеңесіне Анна Акопян басшылық етеді.

Сенат басшысы балалармен және олардың ата-аналарымен әңгімелесті, орталықтың жабдықтарын көріп, жұмыс жағдайларымен танысты.

Парламенті Сенатының делегациясы сол күні Ереван мемлекеттік университетінің жанындағы Қазақ тілі, мәдениеті және тарихы орталығында болды. Орталық 2010 жылы екі мемлекет арасындағы екі жақты мәдени-гуманитарлық ынтымақтастықты дамыту, сондай-ақ Қазақстанның ұлттық мәдениетін дәріптеу мақсатында ашылған болатын.

Абай Құнанбаевтың 175 жылдық мерейтойына орай 2020 жылы Орталыққа қазақтың ұлы ақынының есімін беру жоспарланып отыр.