Баспанаға мұқтаж емеспін - Павлодар облысының әкімі

Нұр-Сұлтан қаласында брифинг өткізіп жатқан Павлодар облысының әкімі Болат Бақауов журналистердің сұрағына жауап бере отырып, әлеуметтік жағдайы туралы айтты.

Дәлірек айтсақ, тілшілер «Ертіс жағасында, Жағалау көшесі, 3/1 мекен-жайындағы кірпіштен салынған үйдің бір қабаты толығымен сіздің пәтеріңіз дегені рас па?» деген сауал қойды.

Нақты жауап бермесе де, Болат Бақауов баспанадан қиындық көріп жүрмегенін айтты.

«Мен Павлодар облысының тумасымын, сол жерде туып өстім. Өз үйім, өз пәтерім бар. Баспанаға мұқтаж емеспін», - деп қысқа жауап берді әкім. 

Болат Бақауов сондай-ақ, облыстық мәслихаттың үш шақырылымында депутат болғанын, облыстағы жағдайдан түгел хабардар екенін айтты.

«Павлодар облысынан тысқары шығып көрген жоқпын. Отбасыммен сол жерде тұрамын», - деді ол.

Кенжекей Тоқтамұрат, Нұр-Сұлтан