Алматылық суретші Абайдың портретін су мен борды пайдаланып салып шықты

Алматыда Абайдың ерекше портреті пайда болды, деп хабарлайды Azattyq Rýhy тілшісі. Оның авторы – әйгілі суретші Джохар Юнусов.  

Суретші өзінің шедеврін асфальт бетіне салған. Ол бояудың орнына бор мен су қолданыпты. Көлемі 10х18 метр болатын осындай ауқымды композицияны жасау үшін туындының авторына 18 литр су қажет болған. Сурет салу процесі үш сағатқа созылды дейді туынды авторы. 

Осындай ерекше техникада сурет салу идеясын Джохар бір жыл бойы ойланып, зерттепті. Суретшінің өзі нәтижеге риза. Алматылық тұрғын өз жұмысын ұлы қазақ ойшылының 175 жылдығына арнады.