Димаш «Азиядағы ең келбетті адам – 2019» рейтингінде үздік ондыққа енді
Қазақстандық әнші рейтингте 8-орын алды
Димаш Құдайберген жанкүйерлерін тағы бір жетістігімен қуантты. Ол кеше «Азиядағы ең келбетті адам – 2019» рейтингісінде 8-орын алды, деп хабарлайды Azattyq Rýhy тілшісі Facebookтегі TC Candler парақшасына сілтеме жасап.
TC Candler Азияның ең тартымды, ең келбетті 100 тұлғасы енген жыл сайынғы тізімін жариялады. Қазақстандық әнші Димаш бұл ретингте сегізінші орынға табан тіреді. Парақшада жас әншінің бет-бейнесі тартымды, әрі дауысы керемет екені жазылған. TC Candler халықаралық конкурсында қазақстандық Димаш Құдайбергенді «Азиядағы ең келбетті адам» аталымына тәуелсіз сарапшылар ұсынған.
«Әлемнің барлық тұрғыны, ұлттар мен ұлыстар оны ерекше жақсы көреді» деп жазған TC Candler.
Айта кетсек, өткен жылы Димаш Құдайберген жер бетіндегі ең сымбатты 10 ер адамның қатарына кірген еді.
