Заңсыз дәрі-дәрмек сатқан 349 медицина қызметкері жазаға тартылды

Тағы 256 адам заңсыз сауда жасағаны үшін полицияға жеткізілді

Фото: ашық дереккөзден

Дәрі-дәрмек өнімін заңсыз сатудың 993 фактісі анықталды. Заңбұзушылықпен айналысқан 605 жан полицияға жеткізілді. Оның 349-ы медицина қызметкерлері. Бұл туралы Үкімет отырысында Ішкі істер министрі Ерлан Тұрғымбаев мәлімдеді.

«Дәрі-дәрмек өнімін заңсыз сатудың 993 фактісі анықталды. Жалпы, заңсыз сатылымға 98 мың дәрі-дәрмек орамы, жарты миллионға жуық маска, 41 800 медициналық қолғап және басқа медициналық құралдар, 705 литр антисептик тәркіленді. Заңбұзушылықпен айналысқан 605 жан полицияға жеткізілді. Оның 349-ы медицина қызметкерлері», - деді министр.

Бұған дейін Ішкі істер министрі Қазақстанда карантин талаптарын бұзғандар бойынша мәлімет берген болатын.

Мақалада

#Ерлан Тұрғымбаев #дәрі-дәрмек #дәрігерлер

Алдыңғы жаңалық

Қарағанды қаласының экс-әкімі жаңа қызметке тағайындалды