Сапарбек Тұяқбаев 2019 жылдың шілдесінде Алматы қаласы әкімінің орынбасары болып тағайындалды
Алматы қаласы әкімінің орынбасары болған Сапарбек Тұяқбаев қызметінен кеткенін жариялады.
«Қала әкімінің орынбасары болып 1 жылдан астам уақыт қызмет еттім. Әлеуметтік, кәсіпкерлік саладағы нағыз өз ісінің мамандарымен жұмыс істедім. Ең әуелі Алматы қаласының тұрғындарына алғысымды айтқым келеді. Алматы тұрғындарының басты ерекшелігі – олар қала проблемасы мен міндеттеріне бей-жай қарамайды және шын жүректен жанашыр», - деп жазды ол.
Сондай-ақ Сапарбек Тұяқбаев алдағы жоспарымен бөлісті. Айтуынша, ол кәсіпкерлікке ден қоймақ.
«Инвестиция, кәсіпкерлікті қолдау мен дамыту саласындағы тәжірибем маған алда қолға алғалы отырған кәсіпкерлік саласында көмектеседі деп ойлаймын», - деп жазды ол.
Айта кетейік, Сапарбек Тұяқбаев 2019 жылдың 11 шілдесінде Алматы қаласы әкімінің орынбасары болдып тағайындалған болатын.
Ол 2012-2016 жылдары Оңтүстік Қазақстан облысы әкімінің орынбасары, 2016-2017 жылдары Инвестиция комитетінің төрағасы, 2017-2019 жылдары «Kazakh Invest» АҚ басқарма төрағасы болып қызмет атқарды