Күзгі-қысқы кезеңдегі КВИ-ге дайындық қалай жүріп жатыр – ДСМ өкілі жауап берді
Қазақстанда коронавирустан көз жұмғандар саны 1656-ға жеткен
ДСМ ресми өкілі Бағдат Қожахметов Орталық коммуникациялар алаңында өткен брифингте коронавирус инфекциясына күзгі-қысқы кезеңдегі КВИ және жұқпалы ауруларға дайындықтың қызу жүріп жатқанын мәлім етті.
«Коронавирустың жаңа толқынан дайындық қызу жүріп жатыр. Қазақстандағы медициналық мекемелер бір мезгілде 70 мыңнан астам төсек-орын дайындауға қауқарлы. Оның ішінде, 3000-ға тарта жансақтау бөлімі болады. Қазіргі уақытта елімізде 19 066 инфекциялы төсек-орын бар. Инфекциялық және провизорлық орталықта 3379 өкпені жасанды желдету аппараты бар, қосымша 2619 бірлік сатып алуда. Бүгінгі таңда 21566 төсек-орын оттегімен қамтылған, қосымша 9300 орынды қамтамасыз ету бар. Шалғайдағы ауылдар үшін 100 медициналық кешен сатып алынды», - деді ол.
Сондай-ақ, Қожахметов күні бүгінге дейін елімізде КВИ-ден көз жұмған науқастардың саны 1600-ден асқанын атап өтті.
«11 қыркүйектегі мәліметтер бойынша еліміздегі КВИ-ге шалдыққан науқастар саны 106 661-ге жетті, оның ішінде жазылып шығу көрсеткіші – 94,1% немесе 100409 адам. Соңғы бір тәулікте 161 адам аурудан айықты. Қайтыс болғандардың жалпы саны 1656 адамға жетті, 4596 адам ем қабылдауды жалғастырып жатыр, оның 31-і бала. Соңғы бір тәулікте 77 адам жұқтырды. КВИ белгісі бар, ПТР нәтижесі теріс шыққан 928 жағдай тіркелді», - деді ол.
Айжан Қалиева, Нұр-Сұлтан
