Көлгінов жетім қалған 3 бауырына қамқор болып отырған 19 жастағы қызбен кездесті

Елорда әкімі Алтай Көлгінов 19 жастағы Дильнас Шәріпбаевамен кездесті. Дильнастың айтуынша, анасы мен үлкен ағасының қайтыс болуына байланысты қолында кәмелетке толмаған 16 жастағы сіңлісі мен 12 және 14 жастағы бауырлары қалған.

Әкімдік Дильнас пен оның кіші сіңлілерінің колледждегі оқу ақысын төлеу мәселесін шешіп береді. Ал оның бауырларына жаппай оқыту қоры аясында көмек көрсетіледі. Оқу құралдарын сатып алуға сертификаттар мен қашықтан оқу үшін компьютерлер мен роутерлер беріледі.

Сонымен бірге әкімдік оларды уақытша баспанамен қамтамасыз етеді. Дильнас Шәріпбаева тұрақты жұмысқа орналасады. Әкімдік бұл отбасының балаларына алдағы уақытта тұрақты негізде көмек көрсетеді.