COVID-19 жұқтырған 105 науқас ауыр халде жатыр

Елімізде коронавирус инфекциясынан 19 741 адам емделіп жүр, деп хабарлайды Azattyq Rýhy тілшісі ҚР Денсаулық сақтау министрлігіне сілтеме жасап.

«16 тамыздағы мәлімет бойынша коронавирус инфекциясынан 19 741 адам емделіп жүр. Олардың арасында 109 бала бар. Стационарларда 3 289 науқас жатыр. 16 452 адам амбулаториялық жағдайда емделуде. Жалпы науқастардың арасында 401 адамның жағдайы нашар. Соның ішінде 105 науқастың жағдайы аса ауыр деп бағалануда. 77 науқас өкпені жасанды желдету аппаратына қосылған», делінген хабарламада.