Синоптиктердің ауа райы болжамы жарияланды
«Қазгидромет» алдағы үш күнге арналған ауа райы болжамын жариялады, деп хабарлайды Azattyq Rýhy.
Синоптиктердің мәліметінше, антициклонның әсерінен Қазақстанның басым бөлігінде ауа райы жауын-шашынсыз болады. Тек елдің батыс аумағында 4-5 қарашада солтүстік-батыс циклонының жақындауына байланысты жаңбыр жауады.
«3 қараша күні шығыс өңірлерде атмосфералық фронттардың әсерінен жауын-шашын, кей уақыттарда қар жауады, сондай-ақ көктайғақ болуы да мүмкін. Республика бойынша жел күшейіп, түнгі және таңертеңгі уақытта тұман түседі», – делінген хабарламада.
Батыс аймақтарда күндіз ауа температурасы +13+21°С-тан +6+19°С-қа дейін, оңтүстік-шығыста +13+18°С-тан +10+15°С-қа дейін төмендейді. Еліміздің қалған бөлігінде ауа температурасы айтарлықтай өзгермейді.