Ақмола облысында жер үйден шыққан өрт сөндірілді

Ақмола облысы Астрахан ауданы Старый Колутон ауылында жер үйдің верандасы өртеніп, құтқарушылар тілсіз жауды ауыздықтады, деп хабарлайды Azattyq Rýhy.

Оқиға орнына ТЖД бөлімшелері мен жергілікті «Ауыл құтқарушылары» құрамасы шұғыл жетіп, өрттің одан әрі таралуына жол бермеді.

Өрт ғимараттың кіреберіс бөлмесінен шыққан. Құтқарушылардың жедел әрекетінің арқасында жалын қысқа мерзім ішінде толық өшірілді.

Өрт 25 шаршы метр аумақты шарпыған. Оқиға салдарынан зардап шеккендер мен жарақат алғандар жоқ. Алдын ала мәлімет бойынша, өртке электр сымдарын монтаждау және орнату кезінде өрт қауіпсіздігі талаптарының бұзылуы себеп болған.