Қытайда аса қауіпті тағы бір вирус пайда болды

Қытайда SFTS типіндегі қауіпті жаңа вирус пайда болды деп хабарлады Global Times. Кене арқылы тарайтын аталған індетті 60 адам жұқтырса, жеті адам қайтыс болған.

Бұл вирус ең алғаш рет 2011 жылы анықталған екен. Мамандардың айтуынша, SFTS вирус жұқтырған адамнан өзге адамға қан немесе сілекей арқылы да жұға береді.

Басылымның хабарлуынша, биыл Цзянсу провинциясында 37 адам аталған вирусты жұқтырса, Аньхой провинциясында 23 адамнан SFTS анықтаған.

Қытайлық дәрігерлер болса вирус негізінен кенеден ғана жұғатынын айтып отыр. Сондықтан, қауіпсіздік шараларын сақтап, дүрбелең тудырудың қажеті жоқ дейді олар.