Найзағайлы жаңбыр: 24 қыркүйекте Қазақстанның барлық өңірінде дауылды ескерту жарияланды

24 қыркүйекке Астана мен Қазақстанның барлық өңірінде дауылды ескерту жарияланды. Синоптиктер жаңбыр, найзағай, тұман және шаңды дауыл болатынын болжады. Бірқатар облыста жоғары немесе төтенше өрт қаупі сақталады, деп хабарлайды Azattyq Rýhy «Қазгидрометке» сілтеме жасап.

Астанада жоғары өрт қаупі сақталады.

Ақмола облысында күндіз батыс пен солтүстікте жаңбыр жауып, найзағай болады. Түнде және таңертең облыстың батысы мен солтүстігінде тұман түседі. Шығыс пен орталықта жоғары өрт қаупі, ал солтүстік, батыс және оңтүстікте төтенше өрт қаупі сақталады. Көкшетауда төтенше өрт қаупі болады.

Солтүстік Қазақстан облысында түнде солтүстік пен шығыста, күндіз батыс, солтүстік және шығыста жаңбыр жауып, найзағай болады. Түнде және таңертең облыстың батысы, солтүстігі мен оңтүстігінде тұман түседі. Шығыс пен оңтүстікте жоғары өрт қаупі сақталады. Петропавлда жаңбыр жауып, найзағай болады, түнде және таңертең тұман түседі.

Қостанай облысында күндіз солтүстік пен шығыста жаңбыр жауып, найзағай болады. Түнде және таңертең облыстың батысы мен солтүстігінде тұман түседі.

Павлодар облысында түнде және таңертең батыс пен орталықта тұман күтіледі. Облыста жоғары өрт қаупі сақталады. Павлодарда түнде және таңертең тұман түседі.

Қарағанды облысында түнде және таңертең оңтүстік пен шығыста жаңбыр жауып, найзағай болады, солтүстік пен шығыста тұман түседі. Солтүстік-батыс, шығыс және оңтүстікте жоғары өрт қаупі, ал батыс, солтүстік және облыс орталығында төтенше өрт қаупі сақталады. Қарағандыда төтенше өрт қаупі сақталады.

Ұлытау облысының солтүстігі мен оңтүстігінде солтүстік-шығыстан жел соғады. Төтенше өрт қаупі сақталады. Жезқазғанда да төтенше өрт қаупі болады.

Абай облысында түнде оңтүстікте жаңбыр жауып, найзағай болады, түнде және таңертең солтүстікте тұман түседі. Солтүстікте жоғары, ал солтүстік-батыс, оңтүстік және шығыста төтенше өрт қаупі сақталады. Семейде жоғары өрт қаупі болады.

Шығыс Қазақстан облысының солтүстігі, шығысы және оңтүстігінде жаңбыр жауып, найзағай болады. Түнде және таңертең облыстың солтүстігінде тұман түседі. Батыс пен шығыста жоғары, ал оңтүстік-шығыс пен оңтүстікте төтенше өрт қаупі сақталады.

Алматы облысының тау бөктері мен таулы аудандарында күндіз жаңбыр жауып, найзағай болады. Облыста төтенше өрт қаупі, оңтүстік пен шығыста жоғары өрт қаупі сақталады.

Алматы мен Қонаевта төтенше өрт қаупі сақталады. Алматының Медеу және Бостандық аудандарының таулы аймақтарында күндіз жаңбыр жауып, найзағай болады.

Жетісу облысының шығысында күндіз солтүстік-шығыстан жел соғады.

Жамбыл облысының таулы аудандарында күндіз жаңбыр жауып, найзағай болады. Төтенше өрт қаупі сақталады. Таразда да төтенше өрт қаупі болады.

Түркістан облысының таулы аудандарында 24 қыркүйекте және 25 қыркүйек күндіз жаңбыр жауып, найзағай болады. 24-25 қыркүйек күндіз облыстың солтүстігінде шаңды дауыл күтіледі. Төтенше өрт қаупі сақталады. Шымкентте де төтенше өрт қаупі болады. Түркістанда солтүстік-шығыстан жел соғады.

Қызылорда облысының солтүстігі, шығысы және орталығында күндіз шаңды дауыл болады. Облыста төтенше өрт қаупі сақталады. Қызылордада да шаңды дауыл күтіліп, төтенше өрт қаупі сақталады.

Ақтөбе облысының оңтүстігі мен шығысында күндіз солтүстік-шығыстан жел соғады. Шығыста жоғары, ал батыс, оңтүстік, солтүстік-шығыс және орталықта төтенше өрт қаупі сақталады.

Атырау облысының батысы мен оңтүстігінде күндіз шаңды дауыл болады. Шығыс пен солтүстікте жоғары, оңтүстікте төтенше өрт қаупі сақталады. Атырауда шаңды дауыл болып, төтенше өрт қаупі сақталады.

Маңғыстау облысында шаңды дауыл күтіледі. Батыс, солтүстік және орталықта жоғары, ал солтүстік-шығыста төтенше өрт қаупі сақталады. Ақтауда жоғары өрт қаупі болады.

Батыс Қазақстан облысының солтүстік-батысы, батысы және оңтүстігінде күндіз жел күшейеді.