Қазіргі уақытта іздестіру жұмысы жүріп жатыр
Өскеменде құтқарушылар мен полицейлер Ертіс өзенінің көпірінен секіріп кеткен 35 жастағы ер адамды іздестіріп жатыр, деп хабарлайды Azattyq Rýhy агенттігі YK-news.kz сайтына сілтеме жасап.
Оқиға туралы хабарлама «102» арнасына 27 тамыз күні сағат 16:24-те түскен. Бастапқыда полицияға көпірден Ертіске белгісіз ер адамның секіріп кеткені туралы ақпарат келген.
Тексеру барысында құқық қорғау органдары оның жеке басын анықтады. Ол 35 жастағы қала тұрғыны болып шықты.
Қазіргі уақытта іздестіру жұмысы жалғасып жатыр. Оған полиция қызметкерлері, құтқарушылар және басқа да тиісті қызметтер жұмылдырылған.
Оқиғаның мән-жайы анықталып жатыр.