Air Astana Алматы мен Астанадан Дубайға қатынайтын рейстерді 30 қыркүйекке дейін тоқтатты

Парсы шығанағы аймағындағы тұрақсыз жағдайдың сақталуына байланысты Air Astana Алматы мен Астанадан Дубайға қатынайтын рейстердің тоқтатылуын 2026 жылғы 30 қыркүйекке дейін ұзартты, деп жазады Azattyq Rýhy.

Әуе компаниясының баспасөз қызметінің хабарлауынша, қазан айында аталған бағыттар бойынша рейстер кестесіне өзгеріс енгізіліп, ұшу жиілігі қысқартылады.

Рейсі тоқтатылған жолаушыларға бірнеше мүмкіндік ұсынылады:

• 2026 жылғы 20 қарашаға дейінгі рейстерге сол брондау класында билетті тегін қайта рәсімдеу;
• билетті сатып алған жерінде оның құнын толық қайтару;
• Air Astana-ның басқа халықаралық бағыттарына билетті тегін ауыстыру. Бұл ретте тариф құнында айырмашылық болса, қосымша ақы төленеді.