Израиль министрінің Газадағы адамдарға қатысты пікірі дау тудырды

Израильдің Ұлттық қауіпсіздік министрі Итамар Бен-Гвир Израиль Газада әр түн сайын 30-дан 40-қа дейін адамды жойып, сондай-ақ палестиналықтардың эмиграциясын ынталандырумен қатар еврей қоныстарын сала бастауы қажет деп есептейді, деп хабарлайды Azattyq Rýhy.

Ол мұндай мәлімдемені Газа секторындағы радикалдардың қолында екі жылдан астам уақыт кепілде болған бұрынғы тұтқын Ром Браславскийге берген сұхбатында жасады.

«Меніңше, біз Газада әр түн сайын 30-дан 40-қа дейін адамның көзін жойып, нысаналы операциялар жүргізуіміз керек. Тек тікелей қауіп төндіретіндерді ғана емес. Жоқ, ол жақта өмір сүруге лайық емес адамдар бар. Олар өмір сүрмеуі тиіс, олар тіпті адам емес», - деді Бен-Гвир.

Ол АҚШ-тың ұстанымына байланысты соңғы апталарда Газадағы радикалдарға соққы беру ауқымын азайтқан Израиль премьер-министрі Биньямин Нетаньяхудың бұл мәселедегі саясатымен келіспейтіні «құпия емес» екенін түсіндірді.

Сонымен бірге, Браславский Бен-Гвирден өзін кепілге алған адамды өзі жеке өлім жазасына кесе ала ма деп сұрады.

«Оны асуға маған рұқсат етіңіз. Өз қолыммен Израильдегі әрбір террористі жазалаймын», - деді ол Ұлттық қауіпсіздік министріне қарап.

Бен-Гвир бұл істің жүзеге асуы үшін «әлемді төңкеріп тастауға» дайын екенін айтып жауап берді.