Таразда ойын клубы өртеніп кетті

Тараз қаласындағы Ташкент көшесінде орналасқан үш қабатты ойын клубында өрт шықты. Оқиға туралы хабарлама түскен бойда ТЖМ бөлімшелері оқиға орнына жедел жетті, деп хабарлайды Azattyq Rýhy.

Өрт сөндірушілер жеткен сәтте ғимараттан ашық жалын шығып, айналаны қою түтін баскан. Өрт сөндірушілер кідірместен жалынды ауыздықтауға кіріскен.

ТЖМ мамандарының үйлесімді жұмысының арқасында тілсіз жау қысқа мерзімде толық сөндірілді. Ең бастысы, өрттің жақын орналасқан тұрғын үйлерге таралуына жол берілмеді.