Ақтөбеде 16 жастағы жасөспірімді жылан шағып, ауруханаға түсті

Ақтөбеде 16 жастағы жасөспірімді жылан шағып, ауруханаға жеткізілді. Оқиға қаладағы «Автомобилист-2» бау-бақша ұжымы аумағында болған, деп хабарлайды Azattyq Rýhy.

Жылан жасөспірімнің табанынан шаққан. Жақындары бірден жедел жәрдем шақырып, ол аурухананың жансақтау бөліміне жатқызылды.

Алдын ала болжам бойынша, жасөспірімді қара шұбар жылан шағуы мүмкін. Облыстық Төтенше жағдайлар департаменті зардап шегушіге қажетті медициналық көмек көрсетілгенін мәлімдеді.

Зертханалық тексеру нәтижелерінен кейін дәрігерлер жасөспірімге жылан уына қарсы сарысу енгізді. Қазіргі уақытта ол ауруханада ем қабылдап жатыр, дәрігерлер оның жағдайын орташа ауыр деп бағалауда.