Шешенстан басшысы қызметіне Рамзан Қадыров кандидат ретінде тіркелді

Шешенстан Республикасының қазіргі басшысы Рамзан Қадыров өңір басшысын сайлауға кандидат ретінде ресми түрде тіркелді, деп хабарлайды Azattyq Rýhy.

Бұл туралы республикалық сайлау комиссиясының баспасөз қызметі хабарлады.

«Шешенстан Республикасының Сайлау комиссиясы Рамзан Ахматұлы Қадыровты Шешенстан Республикасының басшысы лауазымына кандидат ретінде тіркеді. Оның кандидатурасын «Единая Россия» партиясының Шешенстан өңірлік бөлімшесі ұсынды», – делінген хабарламада.

Рамзан Қадыров Шешенстанды 2007 жылдың 15 ақпанынан бастап басқарып келеді. Ал 2007 жылдың 5 сәуірінен ресми түрде республика президенті қызметіне кірісті. Кейін бұл лауазымның атауы «Шешенстан Республикасының басшысы» болып өзгертілді.