«Ауыл» партиясының үміткерлері Қазалы ауданында үгіт-насихат жұмыстарын жүргізді

«Ауыл» партиясының Қызылорда облыстық өңірлік штабының төрағасы, Құрылтай депутаттығына үміткер Мұстафа Садық және Құрылтай депутаттығына үміткер Сәкен Алдашбаев партия белсенділерімен бірге Қазалы ауданына жұмыс сапарымен барды, деп хабарлайды Azattyq Rýhy.

Сапар барысында үміткерлер аудандық штабтың жұмысымен танысып, А.С. Пушкин атындағы кітапхана ұжымымен және Әйтеке би кентінің тұрғындарымен кездесу өткізді.

Кездесулерде партияның сайлауалды бағдарламасының негізгі бағыттары таныстырылып, тұрғындармен пікір алмасу өтті. Сондай-ақ қатысушыларға ақпараттық материалдар таратылып, сайлаушылардың ұсыныстары мен пікірлері тыңдалды.