«Байтақ» партиясының кандидаты Ақтөбе тұрғындарымен экологиялық мәселелерді талқылады

Қазақстанның «Байтақ» жасылдар партиясынан Құрылтай депутаттығына кандидат Айман Сексенова Ақтөбедегі Алтын Орда шағынауданының тұрғындарымен кездесті, деп хабарлайды Azattyq Rýhy партияның баспасөз қызметіне сілтеме жасап.

Тұрғындар сапалы ауыз сумен қамтамасыз ету, экологиялық жағдайдың адам денсаулығына әсері, қалалық ортаның жай-күйі, абаттандыру және жасыл желектердің тапшылығы мәселелерін көтерді. Кездесуге қатысушылардың айтуынша, мұның барлығы өмір сапасына тікелей әсер етеді.

Кездесуде су ресурстарын қорғау, экологиялық инфрақұрылымның жай-күйі және өңірлердегі экологиялық мәдениет мәселелері де жеке талқыланды.

«Экология – халық денсаулығы мен елдің тұрақты дамуының негізі. Сондықтан таза су, таза ауа және қауіпсіз қоршаған орта әрбір азаматтың кепілдендірілген құқығына айналуы тиіс», – деп атап өтті Айман Сексенова.

Кездесу соңында кандидат тұрғындарға ашық диалог үшін алғыс білдірді.