Екібастұзда скутермен келе жатқан 15 жастағы жасөспірімді көлік қағып кетті

Екібастұз қаласында жеңіл автокөлік пен скутер соқтығысып, 15 жастағы жасөспірім жарақат алды, деп хабарлайды Azattyq Rýhy.

Жол-көлік оқиғасы Мәшһүр Жүсіп пен Әуезов көшелерінің қиылысында болған. Алдын ала мәлімет бойынша, Audi 80 автокөлігі Maxi-49 маркалы скутермен соқтығысқан. Салдарынан скутерде отырған 15 жастағы жасөспірім зардап шекті.

«Шақырту 30 маусым күні сағат 20:38-де түсті. Оқиға орнына жету уақыты 4 минутты алды. Зардап шеккен 15 жастағы жасөспірім Екібастұз қалалық ауруханасына  жатқызылды», – деп хабарлады жедел медициналық жәрдем қызметі.

Қазіргі уақытта полиция жол апатының барлық мән-жайын анықтап жатыр. Апатқа қатысқан екі көлік те арнайы айып тұрағына қойылды.