1999 жылы туған азаматтың денесі қайғылы оқиға болған жерден 9 шақырым қашықтықтан табылды
Маңғыстау облысында Каспий теңізінің акваториясында шомылуға арналмаған жерде суға кеткен жас жігітті іздеу жұмыстары аяқталды, деп хабарлайды Azattyq Rýhy.
1999 жылы туған азаматтың денесі кешке қарай Мұнайлы ауданындағы Каспий теңізінің жағалауынан, яғни қайғылы оқиға болған жерден 9 шақырым қашықтықтан табылды. Ауқымды іздеу-құтқару операциясына мемлекеттік органдар мен еріктілердің күші жұмылдырылды.
Тазалық және барлау жұмыстарына Маңғыстау облысы Төтенше жағдайлар департаментінің күштері мен құралдары, Ішкі істер министрлігінің Ұлттық ұланы, Ұлттық қауіпсіздік комитетінің Шекара қызметі, Әскери-теңіз күштері, Полиция департаменті, «YKK Kazakhstan LLP» ЖШС мамандары, еріктілер мен жергілікті тұрғындар, сондай-ақ Төтенше жағдайлар министрлігінің арнайы авиациясы жұмылдырылды.
Жазғы шомылу маусымының қызуына байланысты Төтенше жағдайлар министрлігінің мамандары тұрғындарға қауіпсіздік ережелерін қатаң сақтауға шақырды. Мамандардың айтуынша, қайғылы жағдайлардың алдын алу үшін тек арнайы жабдықталған және құтқарушылар кезекшілік ететін жағажайларда шомылу қажет. Сондай-ақ шомылуға тыйым салынған, белгісіз әрі қауіпті су айдындарына бармау және балаларды су маңында қараусыз қалдырмау маңызды.
«Қарапайым қауіпсіздік шараларына немқұрайлы қараудың соңы қайғылы жағәкеп соғуы мүмкін екенін ұмытпаңыздар», — деп атап өтті ТЖМ өкілдері.