Демалыс базасы зардап шеккен әйелге 12 миллион теңге өтемақы төлейтін болды
Ақтөбеде демалыс базасындағы атпен серуендеу қайғылы жағдаймен аяқталып, жергілікті тұрғын екінші топтағы мүгедектікке шалдықты. Сот зардап шеккен әйелдің пайдасына демалыс орнынан миллиондаған теңге өтемақы өндіріп алу туралы шешім шығарды, деп хабарлайды Azattyq Rýhy «Диапазонға» сілтеме жасап.
Оқиға Ақтөбедегі танымал жергілікті демалыс базаларының бірінде болған. Мекеме келушілерге атқа міну және серуендеу қызметтерін ұсынып келген. Демалыс кезінде әйел адам аттан құлап, ауыр жарақаттармен ауруханаға жеткізілген.
Дәрігерлердің емдеу шараларына қарамастан, алған жарақаттарының салдары ауыр болды. Кейінірек арнайы медициналық комиссия зардап шегушіге ІІ топтағы мүгедектікті белгіледі. Денсаулығынан айырылған тұрғын өзіне келген моральдық және материалдық шығынды өндіру үшін сотқа жүгінуге мәжбүр болған.
Мәліметтерге сәйкес, сот істі жан-жақты қарап, атпен серуендеуді ұйымдастырушылар тарапынан өрескел қателіктер кеткенін анықтады. Демалыс базасының басшылығы келушілер үшін ең қарапайым қауіпсіздік шараларын қамтамасыз етпеген. Сот талқылауының нәтижесінде талап арыз толық қанағаттандырылды.
Судья шешімімен демалыс базасы зардап шеккен әйелге моральдық зиянды өтеу үшін 10 миллион теңге, ал емделу мен дәрі-дәрмекке кеткен материалдық шығындарды өтеу үшін 2,27 миллион теңге төлеуге міндеттелді.