Оны мұғалімі құтқарып қалды
Шымкентте сабақ үстінде кәмпитке қақалып дем жетпеген оқушыға мұғалімі дер кезінде көмек беріп, құтқарып қалды, деп хабарлайды Azattyq Rýhy.
Сабақ кезінде 4-сынып оқушысы кәмпит жеймін деп қақалып қалған. Қасында оның сынып жетекшісі болған. Ол дереу көмек көрсетіп, қайғылы жағдайдың алдын алды. Оқиға сәтті аяқталған соң мұғалім оқушыны тыныштандырып, біраз құшақтап тұрады.
Мұғалімнің аты-жөні – Айгүл Дауылбаева. Ол мектепте 27 жылдан бері еңбек етіп келеді. Көпшілік дер кезінде дұрыс әрекет ете білген ұстазға ризашылығын білдірді.