Жерасты дүмпуінің эпицентрі Павлодардан оңтүстік-батысқа қарай 130 шақырым жерде орналасқан
Павлодар облысында жер сілкініп, оның қуаты 4,5 баллға жеткені анықталды, деп хабарлайды Azattyq Rýhy.
Төтенше жағдайлар министрлігінің Сейсмикалық станциялар желісі 26 мамыр күні Астана уақыты бойынша сағат 11:28-де жер сілкінісін тіркеді.
«Жер сілкінісінің ошағы Қазақстан аумағында Алматы қаласынан солтүстік-батысқа қарай 855 км. жерде Павлодар облысында орналасқан. Жер сілкінісінің координаттары: 50.47 с.е. 76.47 ш.б Тереңдігі – 30 км. Жер сілкінісінің энергетикалық класы 10.7. Жер сілкінісінің қуаты Баянауыл ауданы, Баянауыл ауылында 2 балл болды», – деп хабарлайды ҚР ТЖМ.
Ал Еуропа-Жерорта теңізі сейсмологиялық орталығының (EMSC) мәліметіне сүйенсек, жер асты дүмпуінің магнитудасы 4,5 баллды құраған. Оның эпицентрі Екібастұздан оңтүстік-шығысқа қарай 15 шақырым жерде және Павлодардан оңтүстік-батысқа қарай 130 шақырым жерде орналасқан.