Өскеменде дүкен өртеніп, құтқарушылар жойқын жарылыстың алдын алды

Өскемен қаласындағы Қазақстан көшесінде орналасқан бір қабатты дүкен ғимаратынан өрт шықты. Оқиға орнына жеткен өрт сөндірушілер тілсіз жауды жылдам ауыздықтады, деп хабарлайды Azattyq Rýhy.

Жалын шарпыған жалпы аумақ 15 шаршы метрді құрады. Төтенше жағдайлар департаментінің қызметкерлері өртті сөндіру барысында қауіпті аумақтан 1 газ баллонын сыртқа алып шығып, үлкен жарылыстың алдын алды.

Оқиға салдарынан зардап шеккендер мен қайтыс болғандар жоқ. Қазіргі уақытта мамандар өрттің шығу себебін анықтап жатыр.

Осы оқиғадан кейін Төтенше жағдайлар министрлігі еліміздегі сауда нысандарының иелері мен кәсіпкерлерге өрт қауіпсіздігі ережелерін қатаң сақтау қажеттігін тағы бір мәрте ескертті.